香港特別行政區傑出小學生選舉2024-25 深圳考察及交流活動

由學友社主辦，香港青年基金會 (YDF) 贊助，以及香港青年發展聯盟 (YDAHK) 協辦嘅「香港特別行政區傑出小學生選舉2024-25」深圳交流團，喺8月24日正式展開！

學友社執行總監梁國成、香港青年發展聯盟會董陳家豪陪同一眾傑出小學生代表走出課室，走入科技與創意交織嘅世界，展開一場充滿探索與啟發嘅學習之旅。過程中，本社大專青年發展小組委員更以帶領者身份引導參加者進行思考，以及分享各自對於創新科技嘅體會。

第一站，我哋出發去到深圳紅立方科技館！學生透過五大展區裡面嘅互動裝置，親身體驗科技嘅魅力，例如：感受模擬地震、颶風、進入模擬太空艙等，玩到樂而忘返！

第二站，嚟到創想三維3D打印基地！學生唔單止學到3D打印嘅原理同應用，仲可以親手打印自己嘅作品，所有參加者都話大開眼界呢～

傑出小學生選舉除咗嘉許同學喺學業、課外活動、社區事務同領袖才能方面有出色嘅表現之外，亦希望透過交流活動，培養佢哋成為有世界視野、有專業技能、有正向思維嘅新一代。大家記得持續關注我哋嘅活動啦！