學友社放榜輔導系列服務

臨近放榜，相信每位考生都百般滋味在心頭，可能你會焦慮😩、迷惘🤥、平靜😑、甚至係既興奮😆又期待。你哋嘅心情，學友社又點會唔理解呢？

所以嚟緊呢兩個幾月，我哋已準備咗一系列放榜輔導系列服務，包括講座、工作坊、熱線查詢等等。今年學友社更連同深水埗民政事務處合辦【DSE迎放榜「深」度應援PARTY】，同場仲有特別嘉賓添! 想了解更多就繼續睇落去喇🥳。學友社喺放榜嘅道路上，繼續全方位與學生、老師及家長同行。

==========================

首先，打頭陣嘅係放榜教師工作坊，俾老師們掌握最新嘅升學出路選擇，同場亦有學友社學生輔導顧問吳寶城先生作分享。

📆活動日期: 2024年6月21日（星期五）

🕖活動時間: 14：30 - 17：00

📍活動場地: 港專學院賽馬會本科校園（新界沙田馬鞍山鞍誠街2號）

報名詳情：請致電2728 7999與社工陳衍宗聯絡

==========================

其次當然係備受矚目嘅「天書」《出路指南2024》啦📚! 預計會喺7月上旬正式免費派發。連同學友社student.hk嘅放榜專題「文憑試Special 2024」，涵蓋第一手多元升學就業消息，讓不同成績及志向嘅同學掌握競爭形勢，實行線上線下全方位支援!

想掌握最新情報，又想拎本指南做參考嘅你，記得留意我哋網站同社交平台公告相關安排喇！😇

==========================

接下來7月13日將會係「重頭戲」! 當日下午3點至5點半，本社先會喺深水埗麗閣社區會堂舉行文憑試放榜講座，有眾多院校代表講解收生要求等等，亦會即場派發《出路指南2024》😎

而到傍晚6時，同學們就可稍移腳步至隔離嘅麗閣商場，學友社聯同深水埗民政事務處準備咗DSE迎放榜「深」度應援PARTY，務求「Chill住開心迎放榜，輕鬆歡樂你最爽」！我哋邀請咗歌手Busking表演🎤、一系列手作等等工作坊🧩、攤位活動、輔導員支援。

文憑試放榜講座

📆活動日期: 2024年7月13日（星期六）

🕖活動時間: 15：00 - 17：30

📍活動場地: 長沙灣麗閣邨麗閣社區會堂

DSE迎放榜「深」度應援PARTY

📆活動日期: 2024年7月13日（星期六）

🕖活動時間: 18：00 - 21：00

📍活動場地: 長沙灣東京街12號麗閣商場美食街中庭及G16舖位

🌟活動形式: Busking表演、工作坊、攤位活動、輔導員支援

==========================